“Ачуут гол” эмнэлгийн захирал Б.Машбат
Тэрээр унаган нутагтаа уламжлалт анагаах ухааныг хөгжүүлэхэд сэтгэл зүрхээ зориулан томоохон бодит ажлуудыг хэрэгжүүлэн олон хүний эрүүл мэндийн тулгамдсан асуудлыг эрт илрүүлэн, буяны гараа дэлгэж, Өмнөговь-Уламжлалт анагаах ухаан 1, 2, 3, төслүүдийг амжилттай хэрэгжүүлсэн.
2019 онд 10 суманд “Уламжлалт анагаах ухааны явуулын үзлэг” зохион байгуулж 1200 хүнд үнэ төлбөргүй үзлэг хийж, 20 гаруй хүний Ачуут гол эмнэлэгт үнэ төлбөргүй курс эмчилгээнд хамруулах эрхийг олгосон юм.
2020 он гарангуут Хүрмэн, Номгон суманд ажиллаж 1 сая орчим төгрөгийн Томуугийн үед нэн шаардлагатай эм танг ЭМТөвүүдэд хандивласан байна.
2020 оны 01 сарын 16-нд Аймгийн Засаг дарга, НБХ, ЭМГазрын дарга нартай уулзалт хийж, бодлогын түвшинд хийх томоохон ажлуудын саналыг дэвшүүлэн, Уламжлалт анагаах ухаан сэргээн засах төвийн барилгыг 2020 оны төсвийн тодотголд оруулах, НҮБ-ын ХАС-аас хэрэгжиж буй Явуулын үзлэгийн багт Уламжлалтын эмч нарыг оруулах гэсэн бодит ажлуудыг хэрэгжүүлэх шийдвэрүүд гаргалаа.