“Эрүүл Өмнөговь” зорилтын хүрээнд “Эрүүл шүд” хөтөлбөр хэрэгждэг бөгөөд Даланзадгад сумын ерөнхий боловсролын сургуулийн 9-12 насны сурагчдын дунд “Шүд угаалтын аварга” шалгаруулах тэмцээн зохион байгуулагдаж, 6 сургуулийн 17 багийн 144 сурагч амжилттай оролцлоо. 
“Шүд угаалтын аварга” шалгаруулах тэмцээн нь сурагчдын амны хөндийн боловсролыг дээшлүүлэх, шүдээ зөв угаах аргачлалыг эзэмшүүлэх, шүдээ тогтмол угаахын ач холбогдлыг олон нийтэд таниулах, сурталчлах зорилготой юм.