2009 оны 9 дүгээр сарын 25-ны өдөр Турк улсын Стамбул хотноо хуралдсан Дэлхийн эм зүйн холбооны хурлаас энэ өдрийг “Дэлхийн эм зүйчдийн өдөр” болгон албан ёсоор тэмдэглэж  ирсэн. Энэ жил энэхүү өдрийг Монгол улс 5 дахь удаагаа, Өмнөговь аймгийн хувьд анхны удаагаа тэмдэглэн өнгөрүүлж байна.

 “Дэлхийн эм зүйчдийн өдөр”-ийн зорилго нь эм зүйч мэргэжлийг олон нийтэд суртачилах, эмийн зохистой хэрэглээг төлөвшүүлэхэд олон нийтийг уриалан дуудах зорилготой юм.

Эрүүл мэндийн газар, Эм холбоо, 49 эм хангамжийн байгууллагууд хамтран энэхүү өдрийг “Эм зүйч бид хариуцлага ёс зүйг эрхэмлэнэ” уриатай тэмдэглэж байгаа бөгөөд эмийн зохистой хэрэглээ төлөвшүүлэх, нийгэмд сайн үйлсийг түгээн дэлгэрүүлэх, эм зүйчийн мэргэжлийг суртачилах зорилготой дараах бүтээлч ажлуудыг амжилттай зохион байгууллаа.

•  “Эм зүйчийн андгай тангараг өргөх” ёслолын үйл ажиллагаа
• БОЭТ-ийн эмийн сангийн түүх баримтат нэвтрүүлэг
• Антбиотикийг зохистой хэрэглэх уриалга
• Эмийн зохистой хэрэглээний сургалт иргэдэд зориулсан
• Сайн үйлсийн үйл ажиллагаа – Хөгжлийн бэрхшээлтэй, байнгын асаргаа шаардлагатай иргэнд асаргаа сувилгааны эмнэлгийн хэрэгсэл бэлэглэв.