Жил бүрийн тав, аравдугаар сард Дархлаажуулалтын 10 хоногийг зохион байгуулдаг уламжлалтай. Энэ жилийн хувьд "ВАКЦИН БҮХ НИЙТИЙН ТӨЛӨӨ" уриан дор Дархлаажуулалтын 10 хоногийг тэмдэглэн өнгөрүүлж, товлолын дархлаажуулалтадаа хамрагдаж чадаагүй хүүхдүүдийг нөхөн дархлаажуулалтад хамруулах юм.Дэлхий дээр 68 улс орон, 83 сая хүүхэд товлолын вакциндаа хамрагдах боломжгүй болсон байна. Учир нь коронавирусийн халдвар (COVID-19) халдварын үед хорио цээр тогтоосон, онгоц нисэхгүй, улс орнууд хилээ хаасан зэрэгтэй холбоотой. Иймд эцэг эхчүүд та бүхэн дархлаажуулалтын 10 хоногийн үед товлолын дархлаажуулалтаас хоцорсон хүүхдийгээ нөхөн дархлаажуулалтад идэвхтэй хамрагдахыг уриалж байна.