Өмнөговь аймгийн Даланзадгад сумын 43 ААН, албан байгууллагын албан хаагч, үйлчлүүлж буй ард иргэдэд 6140 маск тарааж томуу, томуу төст өвчнөөс урьдчилан сэргийлэх ажлыг зохион байгууллаа.

Өмнөговь аймгийн хэмжээнд ТТӨ, томуугийн В вирүсээр үүсгэгдсэн өвчлөл нэмэгдэж амбулатороор үйлчлүүлэгчдийн 10.2 хувийг томуу томуу төст өвчин эзэлж байна. Бага насны хүүхдүүд ялангуяа 5 хүртэлх насныхан, жирэмсэн эмэгтэйчүүд, 65-аас дээш насныхан илүү өртөх, хүндрэх эрсдэлтэй байна. Иймд эцэг, эх асран хамгаалагч нар бага насны хүүхдийн асаргаа, сувилгаанд онцгой анхаарч, эрүүл мэндийн байгууллагаас өгч буй зөвлөмж, зөвлөгөөг сайн дагаж томуу томуу төст өвчин, амьсгалын замын цочмог хүнд халдвараас сэргийлээрэй!