"Эрүүл шүд" орон нутгийн дэд хөтөлбөрийн хүрээнд 1-5 дугаар ангийн сурагчдын амны хөндий шүдний үзлэг, эмчилгээний явуулын баг 11 суманд ажиллаж хамрагдвал зохих хүүхдийн 78.2%-ыг хамруулж, 67.7%-ыг бүрэн эрүүлжүүлж, 6-10 настай хүүхдийн дундах шүд цоорлын тархалтыг 47.5%-аар бууруулсан үр дүнтэй ажиллаа.

Өрх гэр бүлийг дэмжих жилийн хүрээнд Аймгийн Засаг даргын тамгын газар, Нийгмийн бодлогын хэлтсийн дэмжлэгтэйгээр ЭМГ, МУЗН, БОЭТ, ӨЭМТ хамтран "Гэр бүл дэх эмнэлгийн анхны тусламж" сургалтыг 6-р сарын 30-ны өдрөөс эхлэн зохион байгуулж байна.

Бага насны хүүхдэд өгөх заавар: Бичил тэжээлийн бэлдмэлийг шөлтэй болон хагас шингэн хоолонд хольж өгнө. Хүүхэд идэхэд бэлэн болсон аягатай бүлээн хоолонд нэг уутыг холино. - Хүүхдийн идэх хэмжээний хоолыг аягална. - Хоолыг сайтар хутгаж жигд бүлээсгэнэ. - Бэлдмэлийн уутны дээд хэсгийг хайчилж нээнэ. - Бүлээн хоолонд нэмж хийнэ. - Бэлдмэл хийсэн хоолоо сайтар хутгана. - Хоолыг хүүхдэд тухайн үед нь дуустал идүүлнэ. УЧИР НЬ бичил тэжээлийн бэлдмэлийг нэмсэн хоолыг хүүхэд гүйцэд идсэн тохиолдолд л хоногт шаардлагатай аминдэм, эрдэс бодисыг бүрэн хэмжээгээр авч чадна.

Жирэмсэн хөхүүл эхчүүдэд зориулсан олон найрлагат бичил тэжээлийн бэлдмэл

Анхаарах зүйлс: Бэлдмэл хэрэглэхэд таны баас хар өнгөтэй гарч болох боловч бэлдмэлийг тасралтгүй үргэлжлүүлэн хэрэглэснээр аажимдаа хэвийн болно. Бэлдмэлийг сүү, цагаан идээ, цай, ус зэрэг шингэн зүйлтэй хамт хэрэглэхгүй байвал зохино. Төмөр болон фолийн хүчлийн бэлдмэлтэй хамтран хэрэглэж болно. Олон найрлагат бичил тэжээлийг хэрэглэснээр өөрийнхөө болон хүүхдийнхээ эрүүл мэндийг хамгаалж чадна.

Санаатай болон санамсаргүй байдлаар эрүүл ахуй, ариун цэврийн дэглэм муу сахих, технологи, ажиллагааны горим алдагдах зэрэгт хүнсний түүхий эд, бүтээгдэхүүн аюултай нян, вирус, шимэгч, химийн бодис, гадны биетээр бохирдож, гэмтэж муудаж, 200 гаруй өвчин үүсгэж байна.